Вие зборувавте, Garmin слушаше! Една од најбараните функции: поддршка за прикажување на Google Maps насоки директно на вашите паметни часовници. Ова овозможува побрза и поинтуитивна навигација при пешачење, трчање или возење велосипед – без потребата да се вади телефонот од џебот. 

Што сѐ треба да знаете за оваа функција?

Како функционира интеграцијата меѓу Garmin и Google Maps?

Функцијата овозможува автоматско испраќање на насоки од Google Maps (на телефонот) до Garmin часовникот, каде тие се прикажуваат како јасни, чекор-по-чекор инструкции. Навигацијата вклучува:

• Вртења, растојанија и следен чекор
• Вибрации и визуелни сигнали за следната акција
• Приказ на проценето време и оддалеченост до дестинацијата
• Насоките се испраќаат преку Garmin Connect Mobile апликацијата и се појавуваат на часовникот во реално време, синхронизирано со Google Maps.

Дали оваа функција работи и на iPhone?

Засега не. Функцијата е ексклузивна за Android корисници. Причината е тоа што Android дозволува подлабока интеграција и споделување на податоци меѓу Google Maps и други апликации, како што е Garmin Connect.

На iOS, ваквото директно споделување на навигациски податоци од Google Maps кон трета апликација (Garmin Connect) е ограничено, па за сега iPhone корисниците не можат да ја користат оваа функционалност.

iPhone корисници, пратете нѐ за известување кога оваа супер корисна функционалност ќе биде достапна и за вас!

Кои Garmin часовници ја поддржуваат оваа функција?

Функцијата е достапна на поголемиот број Garmin паметни часовници од поновата генерација, вклучувајќи:

Во основа, сите уреди кои поддржуваат смарт известувања и се поврзани преку Garmin Connect Mobile на Android би можеле да ја користат оваа функција.

Како да се активира?

1. Ажурирање

Осигурајте се дека:

• Имате најнова верзија на Garmin Connect Mobile на Android.
• Вашиот часовник има најнов firmware.

2. Поврзување

• Часовникот треба да биде поврзан со телефонот преку Bluetooth и Garmin Connect Mobile треба да работи во позадина.

3. Користење

• Отворете Google Maps и започнете навигација.

Насоките автоматски ќе се појават на Garmin часовникот.

Во Garmin Connect можете да ја конфигурирате оваа функција и да изберете дали сакате да добивате известувања за секое скршнување.

Кому му е ова корисно?

• Велосипедисти и пешаци во урбани средини кои не го сакаат товарот од гледање во телефон
• Патници и туристи кои сакаат да следат насоки додека се движат во нов град
• Атлети и outdoor ентузијасти кои ја комбинираат Google Maps навигацијата со Garmin активности

Новата Garmin-Google Maps интеграција претставува значаен напредок за Garmin еко-системот. Корисниците на Android телефони добиваат поголема слобода и функционалност, што досега беше резервирано само за вградените Garmin мапи достапно претежно само на премиум модели.

Погледнете ја Garmin колекцијата на паметни часовници.