Сѐ што треба да знаете за Garmin навигациите за автомобил, камион и мотор

Како еден од водечките производители на GPS уреди и навигации, Garmin во својата понуда за навигации опфаќа различни сегменти: од стандардни навигации за автомобили, до специјализирани уреди за камиони и мотори. 

Значајно за Garmin моделите на навигации е тоа што се продаваат со веќе вградени мапи, односно со првото вклучување на навигацијата самиот систем ве води низ преземањето на најновите мапи. Со тек на време, како што се прават промени на самите патишта, ќе осетите потреба, а некогаш и самата навигација ќе ви побара да ја ажурирате. И тоа исто така можете да го направите сами бесплатно. Така што, навигацијата ја купувате еднаш и дополнителни трошоци околу одржувањето на мапите нема да имате.

Во овој блог пост ќе ги разгледаме основните карактеристики на секој тип, ќе направиме директна споредба помеѓу најпопуларните модели, а на крајот ќе обрнеме и повеќе внимание на како во секое време да ги имате најновите мапи.

Основни карактеристики според тип на навигација

Автомобилски навигации (Drive серија – Drive 53, 55, 66)

• Јасен и лесен интерфејс за користење
• Turn-by-turn навигација со гласовни инструкции
• Вклучени мапи за цела Европа
• Garmin Real Directions – природен јазик за навигација („сврти десно после бензинската“)
• Traffic информации (во одредени модели)
• TripAdvisor оценки за хотели и ресторани
• Parking Assist – предлози за блиски паркинзи

Заклучок:

Garmin Drive 53

• Перфектен за урбано возење, помали возила, или како резервна навигација.
• Буџетски избор – одличен квалитет по прифатлива цена.
• За возачи со основни потреби, кои сакаат лесна и брза навигација без компликации.

Garmin Drive 55

• Најдобар избор за просечен возач што сака поголема јасност и неколку паметни функции.
• Идеален за секојдневно возење, вонградски рути и градови со густ сообраќај.
• За активни возачи што сакаат балансирана комбинација на цена, големина и функции.

Garmin Drive 66

• Висока класа во Drive серијата – одличен за долги патувања и визуелна прегледност.
• Одличен избор за патници што често возат низ непознати места, различни земји или сакаат секогаш актуелни мапи и информации.
• За патници, семејства и возачи на долги релации, кои сакаат врвна прегледност и повеќе паметни функции.

Камионски навигации (Dezl серија - LGV 610, 720, 820, 1020)

• Персонализирана маршрута според големина и тежина на возилото
• Truck-specific POIs: пумпи, сервиси, паркинзи
• Голем екран со јасна видливост (6" кај 610, 7" кај 710)
• Претходно инсталирани мапи со ажурирања
• Route planner со специјални камионски предупредувања (нагиби, мостови)
• Wi-Fi и Bluetooth поврзување
• Интеграција со dēzl апликацијата за логирање на рути

Заклучок:

Dezl LGV 610

• Идеален за почетници, помали компании или возачи со ограничен буџет.
• Солидни основни функции, компактен екран, класична Garmin сигурност.

Dezl LGV 720

• Најдобар баланс меѓу цена и функционалност.
• Поголем екран, напредна рута-навигација, поддршка за dezl апликација и камера.
• Одличен за секојдневни професионални рути.

Dezl LGV 820

• За возачи што сакаат поголема прегледност и повеќе флексибилност.
• 8-инчен HD екран, проширени POI, поддршка за split-screen и Group Ride следење.
• Идеален за мрежи со повеќе возачи или подетална логистика.

Dezl LGV 1020

• Врвна навигација за професионалци на долги релации и флоти.
• 10-инчен екран како таблет, најпрецизна рута логика, најмногу меморија и најдобра поддршка за додатоци.
• Совршен избор за големи транспортни компании или независни возачи кои сакаат максимум.

Навигација за мотори (Zūmo XT2)

• Робустен и водоотпорен дизајн (IPX7)
• Hands-free повици и музика преку Bluetooth
• Адаптибилни рути за авантуристичка или асфалтна вожња
• BirdsEye Satellite Imagery – офлајн сателитски мапи
• Glove-friendly екран – можност за користење со ракавици
• 5.5" HD дисплеј видлив на сонце
• Сензори за инциденти и опција за споделување локација
• Group Ride - Преку вграден Bluetooth и Group Ride Tracker, повеќе уреди можат да се поврзат во една мрежа и можете да праќате брзи пораки („Стани“, „Одиме“, „Застани“) до целата група без потреба од интернет или мобилен сигнал

Одржување на Garmin навигации и ажурирање на мапи

За навигацијата да остане прецизна и ефикасна, важно е редовно да се одржува и ажурира. 

Најважни работи при апдејтирање на Garmin навигација

1. Користи Garmin Express или Wi-Fi

Garmin Express (на PC):

• Поддржува ажурирање на мапи и системски софтвер.
• Потребно е USB поврзување со уредот.
• Идеално ако уредот нема Wi-Fi, или ако Wi-Fi не е доволно брз.

Wi-Fi ажурирање (за понови модели):

• Директно од уредот – без потреба од компјутер.
• Само поврзи се на домашна Wi-Fi мрежа и следи ги чекорите.

2. Проверка на доволно слободна меморија

• Ако нема доволно простор, Garmin може да побара да избришете стари мапи или да ставите microSD картичка (посебно важно кај zūmo и dēzl).
• Минимум 6–8 GB слободно е препорачливо за комплетен мапен пакет.

3. Уредот мора да биде напојуван

• Ако се ажурира преку Wi-Fi, поврзете го уредот на струја, а доколку процесот се прави преку PC уредот ќе си го добива потребниот напон од самиот комјутер. 

ВАЖНО: Никогаш не го прекинувајте процесот на ажурирање – тоа може да предизвика оштетување на софтверот и губење на мапите.

4. Регуларност

• Garmin препорачува да се проверува за ажурирања 3–4 пати годишно.
• Камионски навигации и zūmo (моторски) треба да се ажурираат најмалку еднаш месечно – поради чести промени на ограничувања, рути, патарини, и POI информации.

5. Ажурирање на POI и дополнителни функции

Garmin Express овозможува:

• Синхронизација со TripAdvisor, Foursquare, и други бази на интересни локации.
• Ажурирање на база на камери за брзина (Speed Cameras) – ако е достапно за земјата.

6. Garmin сметка (account)

• За нови уреди, потребно е креирање Garmin акаунт за да се поврзе уредот со Garmin Express или апликацијата (како dēzl или Garmin Drive).

Со поврзувањето можете:

• Да чувате рути, историја, точки од интерес.
• Да активирате Live Services (како Traffic и Weather).

Доколку имате потешкотии сами да ги ажурирате мапите, обратете се до нашиот тим.

Практичен совет: Пред ажурирање, секогаш направете бекап (back-up) на вашите сопствени точки (Saved Locations/Favorites), особено ако го користите уредот професионално.

Совети за подобро искуство

• При поставување рута, секогаш проверувајте ги опциите (најбрз пат, избегнување автопати, патарини итн.)
• За камионски навигации, секогаш внесувајте точни димензии и тежина на возилото.

За крај, за оние што си помислија „Не ми треба навигација, имам телефон со мене/вградена навигација во возилото“, ви ги издвоивме овие седум причини зошто е подобро да користите Garmin GPS навигација.

Посетете ја нашата веб-страница и одберете ја вашата нова навигација!

Мила Павловска

Digital Channel & Support Manager

mila@garmin.mk

+389 75 306 200